為什麼我們要做Skillmove App

相信天下間每個考生都認同:時間係最重要嘅資源。你可以買曬全世界嘅補習配套,但有錢如李嘉誠都買唔到時間。上天好公平,每人每日得24小時,扣埋瞓覺、返學、食飯,其實可以俾你靜靜地坐低溫書嘅時間真係唔太多。而最奇怪嘅係,我地平均每日有2-3個鐘嘅零碎時間,竟然係浪費左係搭車、排隊、等人呢D無聊活動。

即係話:我地一方面話時間唔夠用,而另一方面又未真係用盡d時間。我地成日覺得:呢D睇黎簁左嘅時間,如果可以釋放返佢嘅應有價值,可能會係你成績嘅一個突破點。

呢D零碎時間,通常都係你冇辦法專注佢做一件事。例如搭地鐵、逼巴士、行緊街,你冇可能攞起個電話/平板睇video。因為Video本質上有個好大嘅問題,就係佢都係「競爭」緊你嘅時間同專注力。你諗吓就知,你唔專注地望實個screen,你點睇到片?你有冇可能一路睇片,一路行街?個最大問題係,我地已經忙到連睇片時間都冇,要翻到屋企先有wifi,果陣已經係好夜,咩study mood都冇。

其次係數據用量,係香港5G網路未普及前,大家出街都係用緊3G/4G上網,數據係昂貴嘅,而網速係慢嘅。一條片,就算我地拍到幾精簡、整到幾靚仔都好,佢都唔可以一嘢就load到,成個體驗唔太好。所以我地覺得:video course並唔係mobile learning嘅理想制式。

回想返我當年考A-level,我本身唔係一個天資聰穎嘅人。人地聽一次就明,我個腦好似食左鈍胎素咁,要聽好多次先明。結果,我當年做左個英明決定,就係用$1000零用錢去百老匯買左一支Made in Korea嘅錄音筆,然後懇求當年教我嘅補習老師畀我錄音,畀我搭車不斷返聽,唔明聽到明,聽到潛移默化、想嘔為止。結果比我考到入HKU,因為其他人只係補一次!

當年,我嘅入U秘密武器就係:語音課程+用盡Scatter time返聽!宜家基本上個個學生都有智能手機,我希望呢隻App可以幫大家釋放更多時間價值,用盡每一分鐘黎提升自己嘅戰鬥力。

咁講起語音微課程,其實係外國和大陸已經流行左好幾年。香港呢方面發展得比較遲,但我相信如果呢種微課程方法係work嘅,會有越來越多嘅老師加入平台,分享自己嘅語音課程。如果真係做到,就可以幫學生節省更多時間!我地本身係真心buy呢種模式,所以我地會身先士卒,踏出第一步!

把努力轉化為學習成果

Skillmove課程強調精簡速效/我們知道你的時間是很寶貴的,因此我們強調「你花的每一分鐘的學習時間,都要有成效」。